Vital Fundazioaren eta ASLE Enpresa Elkartearen arteko lankidetza hitzarmena

ASLE enpresa-elkarteak eta Vital Fundazioak, Araban enplegu egonkorra eta kalitatekoa sortzeko eta mantentzeko konpromisoari jarraiki, eta kontuan hartuta enpresa-espiritua sustatzea, enpresak sortzea eta merkatuan sendotzea dela helburu hori lortzeko elementu nagusietako bat, lankidetza-hitzarmena berritu dute 2025. urterako.

Lankidetza-hitzarmenaz gain, ‘Lan Sozietate edo Enpresa Parte-hartu gisa Ekintzailetza Sustatzeko Laguntzen Programa’ jarri da abian. Proiektu honen helburua laneratzea eta ekintzailetza erraztea da, eta bi ekimen biltzen ditu:

1️⃣ ASLEk, Gasteizen duen Sail Juridikoaren bidez, laguntza integrala emango die pertsona ekintzaileei, honako hauei arrakastaz aurre egiteko:

• Lan-sozietate bat edo enpresa parte-hartu bat eratzeko eta abian jartzeko prozesua.
• Enpresaburua ordezkatzeko edo errelebatzeko prozesua, langileek lan egiten duten sozietatea eros dezaten, lehendik dagoen proiektu bati jarraipena emanez.

Bi kasuetan, programako parte-hartzaileek ASLEko taldearen tutoretza izango dute beren enpresa-proiektuaren lehenengo sei hilabeteetan.

Bestalde, Vital Fundazioak 1.250 €-ko 4 laguntza-poltsa ematen ditu enpresa-proiektu horiek bultzatzeko.

2️⃣ Era berean, Vital Fundazioaren laguntzarekin, ASLEk Lan Sozietatearen ereduari buruzko ‘Informazio eta zabalkunde jardunaldiak’ antolatuko ditu Araban, enpresaren jabetzatik edo salmentatik erretiroa hartzen duten pertsona ekintzaileen eta enpresen artean.

Lan Sozietatearen ereduak ezin ukatuzko eta frogatutako ontasunak ditu gizartearentzat eta bertan lan egiten duten pertsonentzat, iraunkortasunarekin, erresilientziarekin, lurralde-errotzearekin, aberastasunaren bidezko banaketarekin, enplegu egonkor eta kalitatezkoaren sorrerarekin, talentua atxikitzearekin, erantzunkidetasunarekin eta bake sozialarekin duten konpromisoagatik. Bazkide gisa enpresa-proiektu batean parte hartzeak konpromiso eta inplikazio handiagoa eragiten die langileei, eta, ondorioz, merkatuan lehiakorragoa den proiektu batean eragiten du.

NORENTZAT DA?

Araban enpresa-proiektu berri bat sortzeko prozesuan dauden pertsona ekintzaileak, edo dagoeneko errelebo-egoeran edo enpresa-ordezkapenean dagoen enpresa bat erosteko prozesuan daudenak.

Agian zuri ere interesatuko zaizu…