Zer behar dut ekintzaile izateko?

Ideia on bat edukitzetik harago doan erronka da ekitea. Negozioa kudeatzeko, erabaki estrategikoak hartzeko eta merkatuaren erronkei aurre egiteko aukera ematen duten trebetasun eta konpetentzien konbinazioa eskatzen du. Baina, zein dira funtsezko gaitasun horiek eta nola ebaluatu ditzakezu?

Ekiteko funtsezko gaitasunak

Ekintzaile bakoitzak profil bakarra badu ere, badira proiektu baten arrakastan eragina duten trebetasun espezifikoak:

1️⃣ Ikuspegia eta sormena

Ekintzailetza-proiektu bat ideia berritzaile batekin hasten da, baina enpresa gisa sendotzea benetan bultzatzen duena aukerak hautemateko eta balioa emango duten irtenbideak garatzeko gaitasuna da. Sormenak aukera ematen du merkatuan bereizteko eta nabarmentzeko.

2️⃣ Planifikatzeko eta antolatzeko gaitasuna

Ideia bat izatea hasiera besterik ez da. Negozio bat bideragarri nola bihurtu jakiteko, plangintza egin, helburu argiak ezarri eta denbora eta baliabideak eraginkortasunez kudeatu behar dira.

3️⃣ Talde-lana eta lidergoa

Zailagoa da bakarka aurrera egitea proiektu bati ekiten zaionean. Zenbat eta pertsona gehiagok parte hartu proiektu batean, orduan eta aukera gehiago izango dira gaitasunak eta baliabideak osatzeko. Hor hartzen du garrantzi berezia taldean lan egiteak, zereginak elkarbanatzeko eta lankidetza-giroa sustatzeko gaitasunak, negozioa hazteko funtsezko alderdi bihurtuz. Gainera, lider on batek inspiratu eta motibatu egiten du bere taldea, konpromiso eta produktibitate handiagoa lortuz.

4️⃣ Erresilientzia eta arriskuaren kudeaketa

Ekintzailetzaren bidea ziurgabetasunez beteta dago. Erresilientea izateak eta arriskua modu estrategikoan kudeatzeak aukera ematen du oztopoei aurre egiteko motibazioa galdu gabe. Porrotetatik ikastea eta aldaketetara egokitzea funtsezkoa da.

5️⃣ Finantza-trebetasunak

Finantza-kontzeptuak ulertzea, hala nola, kutxa-fluxua, inbertsioa eta errentagarritasuna, funtsezkoa da negozioaren jasangarritasunerako. Kudeaketa ekonomiko txar batek negozio bat porrotera eraman dezake, beraz, konpetentzia hori garatzea funtsezkoa da.

6️⃣ Egokitzeko eta etengabe ikasteko gaitasuna

Enpresa-mundua etengabe aldatzen ari da, eta ekintzaile arrakastatsu batek ikasteko eta eboluzionatzeko prest egon behar du. Teknologia, joera eta negozio-eredu berrietara egokitzeak lehiakor izateko aukera ematen du.

Ebaluatu zure ekintzaile-gaitasunak

Ekiteko prest zauden jakitea nahi baduzu baduzu, ASLEn autoebaluazio-test bat garatu dugu, zure indarguneak eta hobetu beharreko arloak identifikatzen laguntzeko. Hemen egin dezakezu: ASLE autoebaluazio testa.

Ondorioa

Ekitea ez da grina edo motibazio kontua bakarrik; arrakastaren eta porrotaren arteko aldea marka dezaketen gaitasun batzuk garatzea eskatzen du. Zure indarguneak ezagutzeak eta zure hobekuntza-eremuetan lan egiteak negozio sendo eta jasangarri bat eraikitzeko aukerak handituko dizkizu.

Iturriak:

Drucker, P. (1985). Innovation and Entrepreneurship. Harper & Row.
Ries, E. (2011). The Lean Startup. Crown Business.
OECD (2017). Entrepreneurship at a Glance 2017. Paris: OECD Publishing.

Agian zuri ere interesatuko zaizu…