Zer gertatzen da zure enpresan inor begira ez dagoenean?

Galdera horren erantzuna zure enpresa-kultura da; askotan, ukiezina dela esaten dugu, baina ASLEn  modu praktikoagoan definitzea gustatzen zaigu: gure erakundearen “sistema operatiboa” da, garapen ekonomikoaren, gizarte-ongizatearen eta ingurumenarekiko errespetuaren arteko oreka bilatzen duen enpresa baten barneko balioen eta praktiken multzoa.

Lan Sozietateen ekosisteman, kultura hori pauso bat harago doa, jabe gisa pentsatu eta jarduteko ohitura da, oreka hori aurkituz orainean beharrezkoa den eraginkortasunaren eta proiektuaren etorkizunarekin dugun erantzukizunaren artean.

“Ezer ez egiteko” arriskua

Kulturari ez ikusiarena egitea ez da aukera neutrala; kostu errealak ditu, “bazkide” izaera zama administratibo edo arrisku finantzario gisa hautematen hasten bada, ereduak bere magia galtzen du. Ondorioa argia da: oinarri sozietarioaren zahartzea eta soldata baino zerbait gehiago bilatzen duen talentu gaztea erakartzeko zailtasuna.

Kultura lantzea, berez, bizirauteko estrategia da.

Pilares para una cultura fuerte

Lan-sozietate bat belaunaldi berrientzat erakargarria izan dadin, oinarrizko ardatz hauek sendotu behar ditugu, besteak beste:

• Pertenentzia-sentimendua: langilea ez dadila gehiago sentitu, berea duen proiektu baten parte baizik. “Haientzako lanetik” “gurea eraikitzen dugu” lanera pasatzea da.
• Ondare ikuspegia: enpresaren eta enpleguaren iraunkortasuna lehenestea berehalako etekinen gainetik. Aurkitzen duguna baino zerbait hobea uzteko gaude hemen.
• Gobernantza demokratikoa: ulertzea, egunerokotasunean beharrezko hierarkia operatiboa egon arren, Batzar Nagusian berdinak garela eta administrazio organoko kide izateko aukera dugula. Dualtasun hori gure indarguneetako bat da.

Nola hasiko gara biharkoa eraikitzen?

Kultura kudeatzeak duen onena da ez duela inbertsio ekonomiko handirik eskatzen, asmoa eta konstantzia baizik.

Hona hemen gako praktiko batzuk:

• Misio eta Asmo partekatu bat definitzea: onura ekonomikoaz harago, garapen pertsonala, ingurunearekiko konpromisoa eta jasangarritasuna bilatzen dira.
• Kide izatearen sentimendua sustatzea: komunikaziorako eta parte hartzeko espazio errealak sortzea.
• Pertsonak (bazkideak eta bazkide ez direnak) kudeaketan, gobernantzan eta lan-sozietate ereduan trebatzea. Ezagutzak beldurra kentzen du!
• Etorkizuneko plan parte-hartzaileak definitzea, denek beren ahotsa garrantzitsua dela senti dezaten.
• Bazkideen sarrera / irteera, ekintzaren balioa eta mozkinen banaketa arautzen duten mekanismoak ezartzea.

Eraiki dezagun etorkizun kolektibo bat

ASLEn Lan Sozietateak sustatzen ditugu, XXI. mendeko premiei erantzuten dien enpresa-eredu gisa: gizatiarra, demokratikoa eta erresilientea, non balio kolektiboa norbanakoaren gainetik dagoen. Baina bihar hala izaten jarrai dezaten, haien esentzia zaindu behar dugu gaur.

Ez ezazu bakarrik egin bide hau; ASLEtik hemen gaude zu eta zure taldearen jarraipena ziurtatuko duten mekanismoak diseinatzen laguntzeko.

Egin dezagun Lan Sozietatearen eredua izan dadila mundu guztiak egon nahi duen lekua.

Agian zuri ere interesatuko zaizu…